21 лютага адзначаецца Міжнародны дзень роднай мовы

Ён адзначаецца па ініцыятыве Генеральнай асамблеі ЮНЭСКА, каб садзейнічаць моўнай і культурнай разнастайнасці. Гэтае свята з'явілася больш за два дзесяцігоддзі таму дзеля захавання сусветнага шматмоўя.

На планеце каля 6000 моў, і каля 40% з іх знаходзяцца пад пагрозай знікнення. Страта любой мовы нясе непапраўную шкоду агульначалавечай спадчыне. Слова продкаў, самабытнасць, мілагучнасць, матчына мова – заўсёды неад’емная частка культуры і гісторыі любой краіны.